Mit viel Herzbluat und Freid am Miteinandersinga bringt kalikoer junge Stimm aus em Allgäu zamma zu am bsondra Klangerlebnis. Unser Chor mit engagierte Sängerinna und Sänger verbindet moderne Chormusik mit ehrlicher Gemeinschaft.
Egal ob ruhige Ballada, flotte Pop-Hits oder traditionelle Stückle – bei üs trifft Vielfalt auf pure Begeisterung.
I bin dr Johannes, dr Chorleiter vo kalikoer. Musik begleitet mi scho seit viele Johr. I spiel verschiedene Instrument, vor allem Klavier und Orgel, und sing selber in mehrere Chör und Ensembles. I bin koi Profi, hab aber durch viel Praxis a guate Erfahrung sammelt 😊
Bei kalikoer goht's mir vor allem um d'Freid am gemeinsame Singa. Drum freu i mi über jede Sängerin und jeden Sänger, wo dia Leidenschaft mit üs teilt.
Mit viel positiver Energie, Freid und Gemeinschaft:
Unsere Prob isch immer am Dienschtig um 19:10 Uhr.
Mir schaffat an verschiedene Stück und bereitat üs auf zwei bis drei Konzerte im Johr vor.
Nach em Singa lassad mir dr Obed gern entspannt ausklinga. Oft hocket mir no zamma, schwätzad und genießat no a kühls Getränkle.
Außerhalb vo dr Prob unternehmat mir gern was zamma. Ob Konzert, Ausstellung oder spontan ebbes – bei üs isch's unkompliziert und herzlich. Uns verbindet net bloß d'Musik, sondern au d'Freid an gemeinsame Erlebnisse.
Bei kalikoer soll sich jeda wohlfühla – genau des macht üs bsonders.
Do findsch a paar Beispiel zum Reihöra.
Wer kennt's it: „Nur no a Folge..nur no kurz weiterschaua.."?! Amazon, Netflix und Co. braucht'r an dem Obed it. Mir bringat die größte Songs aus Serien, Streaming-Highlights und Blockbuster live auf d'Bühne. A Konzert wie dr perfekte Serienobed: mol laut, mol leise, mol episch. Popcorn gibt's keins, aber Gänsehaut, viel Freid und Melodie, wo no lang nachklingat.
Ihr händ denkt, oine Folge reicht? Nix do! Au heut braucht'r koi TV und dr Tatort darf ausfalla. Mir liefarat wieder die größte Songs aus Serien, Streaming-Highlights und Blockbuster. Für alle, wo am Freitig net dabei warat, gibt's heut Folge 2.
Du siehsch grad a Platzhalter-Inhalt. Für dr echte Inhalt klicksch unten auf dr Button.
Zu InstagramMeld di bei üs.
Du suchsch an Chor für Geburtstag, Hochzeit oder Scheidung? Oder host Luscht zum Mitsinga? Dann meld di gern. Aktuell suchat mir vor allem Männerstimme. Wenn du Freid am Singa host und scho a bissle Erfahrung mitbringst, bisch bei üs genau richtig!